Месяц на беларускай: мінская блогерка падзялілася сваім вопытам

Блогерка Палінаўка з Мінска праводзіла сацыяльны эксперымент: месяц размаўляла выключна па-беларуску. Сваімі ўражаннямі яна падзялілася ў TikTok-відэа. Палінаўка адзначае, што не заўсёды было лёгка, часам забываліся словы, усплывалі русізмы. Аднак, яна лічыць, што эксперымент варты таго. "Гэта быў цікавы вопыт, — кажа Палінаўка. — Я працягну выкарыстоўваць беларускую мову". Яна таксама звяртае ўвагу на рэакцыю людзей на яе мову. Некаторыя ўспрымаюць яе як перфоманс, іншыя — з цікавасцю. Відэа набрала больш за 6800 праглядаў і 700 лайкаў.