У Ліпічанскай пушчы адкрылі новы экалагічны маршрут

На Дзятлаўшчыне адкрылі новы экалагічны маршрут «Дзень сям’і». Урачыстае адкрыццё адбылося ў вёсцы Ліпніца ў Ліпічанскай пушчы. У цырымоніі прынялі ўдзел старшыня райвыканкама Андрэй Садоўскі, прадстаўнікі Дзятлаўскага лясгаса, моладзь і госці. «Гэта важная падзея для развіцця турызму ў нашым раёне», — адзначыў Андрэй Садоўскі. На маршруце ўсталявалі птушыныя будачкі. Праект распрацоўваўся на працягу года Дзятлаўскім раённым турыстычным інфармацыйным цэнтрам, сектарам спорту і турызму райвыканкама, Дзятлаўскім лясгасам, раённай інспекцыяй прыродных рэсурсаў і аховы навакольнага асяроддзя, Дзятлаўскай дзіцячай школай мастацтваў. Адкрыццё маршруту стала святам для ўсіх удзельнікаў і сімвалам клопату пра прыроду і развіццё турызму ў рэгіёне.