У Беларусі знішчаюцца прыватныя школы: засталося толькі 7

У Беларусі засталося ўсяго 7 прыватных школ. У 2022 годзе іх было каля 50 толькі ў Менску і вобласці. Міністр адукацыі Андрэй Іванец патлумачыў гэта тым, што ўлады хочуць рэалізаваць «адзіную адукацыйную праграму, якая адпавядае дзяржаўным стандартам». «Мы павінны быць упэўнены, што ва ўсіх установах адукацыі рэалізуецца адзіная адукацыйная праграма», — заявіў ён. У верасні 2022 году Лукашэнка запатрабаваў «зачысціць усё да немагчымасці» ў адукацыі. Праз месяц ён падпісаў закон аб ліцэнзаванні, які фактычна знішчыў прыватныя школы і дзіцячыя садкі. Для параўнання, у суседняй Літве, дзе насельніцтва ў тры разы меншае, працуе 99 прыватных школ.